ကိုယ့်မြို့၊ကိုယ့်ရွာ၊ကိုယ့်ဒေသ၊ကိုယ့်လူမျိုး၊ကိုယ့်ဘာသာကို မချစ်တဲ့သူ ဘယ်သူရှိမလဲ..
အဝေးတမြေကိုရောက်နေတဲ့ အခါမှာဆိုရင် ပိုလို့တောင် တမ်းတမ်းတတရှိတတ်ပြန်ပါတယ်..အဝေးရောက်သူချင်း ကိုယ့်နယ်ကဆိုလိုက်တာနဲ့ အလိုလိုသွေးစည်းပြီးသားဖြစ်နေတတ်ပြန်တယ်.. ကိုယ့်မြို့ကိုယ့်ရွာ ကိုယ့်ဒေသရဲ့ အမှတ်တရ ပုံရိပ်လေးတွေကို တွေ့လိုက်ရရင် စိတ်ထဲမှာ ဖော်မပြတတ်လောက်အောင် ဖြစ်မိတဲ့ပီတိလေးနဲ့ ဒါငါတို့ရွာ၊ ငါတို့မြို့လို့ အလိုလိုဖော်ပြချင်စိတ်လေးတွေ ဖြစ်မိပါတယ်... တစ်ခါတစ်ရံ ကြက်သည်းတောင် ထမိပါရဲ့... (အတည်ပြောတာနော် နောက်တာဟုတ်ဘူး) ခံစားဖူးသူတွေ သိမှာပေ့ါနော်.. ဆိုလိုချင်တာက..အဲလိုခံစားမှုလေးတွေက တစ်ခါတစ်ပဲ ဖြစ်ရမှာမဟုတ်ပါဘူး .. အမြဲတမ်းရှိနေ အမြဲတမ်းတွေ့နေရလို့ ဘာသိဘာသာ နေရမှာမဟုတ်ပါဘူး.. အမြဲတမ်း အဲဒီလိုသာ လူတိုင်း စည်းလုံး ညီညွတ်နိုင်မယ်ဆိုရင်.. ကိုယ့်အိမ်၊ကိုယ့်မိသားစု၊ကိုယ့်မြို့ရွာမှ အစပေ့ါ ကိုယ့်လူမျိုး ကိုယ့်ဘာသာ ကိုယ့်နိုင်ငံကြီးဟာလည်း ဘယ်သူတွေ နှောက်ယှက်နိုင်မှာလဲနော်... ဒီလိုရေးလို့ တစ်မျိုးမတွေးစေလိုပါ။ မည်သည့်ဘာသာ လူမျိုးမဆို အားလုံးကို ခြုံငုံသုံးသပ်ခြင်းသာဖြစ်ပါသည်။
စကားတွေက နည်းနည်း ကြီးကျယ်သွားသလားမသိပါဘူး... ထားပါတော့နော် ပြောချင်တာကတော့ ဖေ့ဘုခ်ပေါ်မှာ“မြန်အောင်သူ-မြန်အောင်သားများ-ဆုံစည်းရာ”တဲ့ ကိုယ့်နယ်နိမိတ်အချင်းချင်းလေးပေ့ါ တစ်ပိုင်တစ်နိုင် ကိုယ့်မြို့ရွာအကြောင်းလေးတွေ တင်ကြ၊ဆွေးနွေးကြ၊ သတင်းနဲ့ နည်းပညာလေးတွေ ဖြန့်ဝေကြဖို့ပေ့ါ ပြည်တွင်းပြည်ပ မြန်အောင်သားတို့လည်း သဘောကျနှစ်ခြိုက်လိမ့်မယ်လို့ ထင်မိပါတယ်။
ဒါကြောင့် ဒီလင့်လေးကို အားလုံးဝင်ကြည့်နိုင်အောင် ပြန်ဖြန့်ဝေပေးလိုက်ပါတယ်..(ဒီဖေ့ဘုတ်ခ် အဖွဲ့လေးကို ဖွင့်ထားတဲ့သူကိုလည်း ကျေးဇူးတင်မိပါတယ်)
ဒီကနေသွားလိုက်ပါ
0 comments:
Post a Comment